منتديات يبرود ^ Yabroudonline ^ BramjHomE

**ARAGON** · المشاركة رقم: 1 06-06-2009, 01:33 PM

السلام عليكم و رحمة الله و بركاته:
بصراحة و الصراحة راحة متل ما بقولوا...
أنا متلك يا محمد يئست كتير مو شوي أكتر منك...
يعني حكيت مع جيفارا أكتر من مرة...
و حطيت موضوع عشان الحكي يلي بدي احكيه بس ما لقيت نتيجة.......

و مشان هيك أنا حطيت هادا الموضوع....

يا عتبة بيك يا رافد يا مشرفين منتدانا الغالي...
منتدى:
يبرود أون لاين....؟؟؟

كل يلي بدي اياه قسم للمواضيع لم يتم الرد عليها...
لأني ملاحظ في الأونة الأخيرة أنو كتير من مواضيع الأعضاء لم تلقى أي رد....
نحنا منعمل هيك قسم على شان المواضيع يلي ما لقت أي رد...
ترجع تنفتح و تلاقي أهتمام من الأعضاء الجدد و القدامى,,,
و أرجو الرد السريع...
و لكم جزيل الشكر....
كان معكم محدثكم :
ARAGON

**شاميه100** · 06-06-2009, 01:58 PM

فكرة حلوة كتير

أنا بضم صوتي لصوتك

لأن عن جد في مواضيع مفيدة ومهمة وما حدا شافها

**ALSHAMY** · 06-06-2009, 03:28 PM

السلام عليكم

ممممم

ما بعرف أذا كنت مع هل الموضوع او لأ انا...

بس هيك رح يكون الهدف من المواضيع بس الردود مو أكتر

ورح يكون شي ممم غير تقليدي..

انا برأيي نعمل تصويت وشكرا

**شاميه100** · 06-06-2009, 03:38 PM

الردود مو مهمة

المهم الناس تقرأ وتستفيييييييييييييد

شو قلت شامي؟؟؟؟

**الأميرة** · 06-06-2009, 04:47 PM

الله يسعد أوقاتكم جميعاً

هلأ انا ما بشوف انه الموضوع مستاهل اصلاً
وكيف رح ينحط أصلاً قسم لـ مواضيع ما لقت رد .؟
الحل أسهل من هيك
الموضوع اللي شايفينو مهم كتير
وانظلم بـ فترة ما او بـ طريقة ما
منعملو رفع بطريقة عادي
يعني يا اما صاحب الموضوع
او حدا من المشرفين
وهيك بيرجع وبيشوفوه الأعضاء وبياخد حقو مرة تانية..

هالطريقة مو اختراعي
بس بتزكر أخي محمود هيك علمنا نعمل بـ مواضيع
قسم أحلى الكلام
اللي ما كانت تاخد حقها
او اللي ما يتم الرد عليها بما تستحق
..
.
..

.
.

انا هاد رأيي
وبتمنى تفكروا فيه

الله يسعد أوقاتكم جميعاً
ويوفقكم لـ كل خير

.
.

أرق التـ ح ـايـا

**ALSHAMY** · 06-06-2009, 04:56 PM

السلام عليكم

انا مع فوفاية

ومستعد اتسلم رسائل من الأعضاء والمشرفين على هل الموضوع

وكون المسؤول عن هل الشي

بنت يبرود · 06-06-2009, 07:23 PM

مو زابطة القصة !!!

شفلي منتدى فيه قسم عن المواضيع اللي ما انرد عليها

ما رح تزبط , نحنا مرتبين المنتدى لأقسام , وكل موضوع بينحط بالقسم المناسب

بهالحالة رح يحوي هالقسم مواضيع من الشرق والغرب

لأ ومين بدنا نحط إشراف عليه ؟؟؟

نحط كل المشرفين عليه ؟؟ مستحيل !!

لأن في مواضيع رح تكون عن المعلوماتية .. في مواضيع رح تكون عن الشعر عن الصور وكتير شغلات

يعني أي عضو بيقدر يشوف هالموضوع انرد عليه ولا لأ ... ويرد هو إذا حابب يرد

ومتل ما قالت الأميرة إنه في كتير مواضيع عم نشوفها بتستحق الرد وعم نرفعها كل فترة وفترة

حتى إنت أخي أرغون أي موضوع سواء لإلك أو لغيرك شايفه مهم وحابب تعرف رأي الأعضاء فيه بس ارفعه

طول بالك لا تيأس .... لسى بكير هههههههههه

**ARAGON** · 06-06-2009, 08:05 PM

اقتباس:

المشاركة الأصلية كتبت بواسطة بنت يبرود

مو زابطة القصة !!!
شفلي منتدى فيه قسم عن المواضيع اللي ما انرد عليها
ما رح تزبط , نحنا مرتبين المنتدى لأقسام , وكل موضوع بينحط بالقسم المناسب
بهالحالة رح يحوي هالقسم مواضيع من الشرق والغرب
لأ ومين بدنا نحط إشراف عليه ؟؟؟
نحط كل المشرفين عليه ؟؟ مستحيل !!
لأن في مواضيع رح تكون عن المعلوماتية .. في مواضيع رح تكون عن الشعر عن الصور وكتير شغلات
يعني أي عضو بيقدر يشوف هالموضوع انرد عليه ولا لأ ... ويرد هو إذا حابب يرد
ومتل ما قالت الأميرة إنه في كتير مواضيع عم نشوفها بتستحق الرد وعم نرفعها كل فترة وفترة
حتى إنت أخي أرغون أي موضوع سواء لإلك أو لغيرك شايفه مهم وحابب تعرف رأي الأعضاء فيه بس ارفعه
طول بالك لا تيأس .... لسى بكير هههههههههه

خلص بطلت اليأس...
وعلى قولتكم قنعتوني بفكرتكم...

خلص اذا شفت موضوع يستحق الرد...
رح رد عليه و ارفعه لفوء و أكتب....
تعو ردو الموضوع يستحق الرد...
مشكورين يا جماعة على الاهتمام...

بنت يبرود · 06-06-2009, 08:09 PM

مو ضروري تقول والله يا جماعة تعوا شوفولي هالموضوع مهم ردوا عليه

متل اللي مبسط وعم يبيع هههههههههه

بس انت رد عليه رح يرجع لأول صفحة أو اكتب up أو للرفع .. بيمشي الحال :)

**ARAGON** · 06-06-2009, 08:14 PM

وينك وينك أنت و ياها...
تعو لهون في موضوع...
بدكم تردوا عليه
هههههههههههههه
لك مو هيك....
هههههههههههههههههههه
والله العظيم ضحكتيني من كل قلبي...
قال فاتح بسطة....
ههههههههههههه
رح أكتب رد للموضوع...
و ارفعه لفوء ...
و ليكو كبسة زر و بصير الموضوع فوء
يلا...
جاري رفع أول موضوع يستحق المشاركة...

بنت يبرود · 06-06-2009, 08:17 PM

أحمر يا بندوووورررررة

هههههههههههههه

:)

**بنت الشام** · 06-06-2009, 08:37 PM

السلام عليكم

انا رأيي من رأيي أخي الشامي

اول شي نحن لما نحط مواضيع ماعم نحطها مشان الأعضاء بس يفوتوا يحطوا رد ويطلعوا
لأ نحن عم نحط المواضيع مشان نفيد ونستفيد ونتسلى ببعض الأحيان

بس هاد الشي مابيخلينا نيئس أخي أراغون

مشكور لموضوعك

**ALSHAMY** · 06-06-2009, 08:58 PM

السلام عليكم
أخوتي الأعزاء رجااءا مراسلتي أنا بخصوص المواضيع المراد رفعها
وسأقوم أنا بالتصرف

وشكرا لكم

كاسك ياوطن · 06-07-2009, 01:27 AM

السلام عليكم ورحمة الله وبركاته
أنا وبكل صراحة مستعد رد على كل المواضيع وكل واحد على حسب وزنو بلاقيلو رد يناسبو
بس يا جماعة الخير
ما بعرف هل انا نوعا ما متذمر ولا الوضع بيخليني هيك
رديت على كتير بس ما حدا عبرني
يعني بيبقى في للقصة نوع من الكرامة وبعدين بيقول الواحد بينو وبين حالو يا اما ما عجبن الرد أو مانن فاضيين يردو
أو ما بدن ردي اصلا
مشان هيك احيانا الصمت ما بينفع وبتتحول المواضيع لصحف يومية منقراها وعلى الله التكلان
حلاوة المنتدى إنو مكان للنقاش ولتبادل الأفكار وطبعا أكيد ما رح نبالغ بهالشي لنحولو لساحات نزاع
بس بيبقى في بالنفس نوع من التردد
يا أخي إذا ما حدى تابع ردودي ليش لرد ( مثلا) وهادا الشي بيخلي اي عضو جديد يفوت بست تالاف حيط
في عضو اسمو اسمو كينغ أوفساد فات الزلمة متحمس وكتب أكتر من موضوع وأنا انتبهت عليه وما حدى عبرو آم ضب بقجتو وما عدنا شفنا وجهو مع إنو كتابتو بسيطة وعفوية وكنت متمني يبقى يشارك بس شكلو طفش
انا بكل بساطة بطلب طلب أخوي من المشرفين يتابعو أقسامن بالردود ويشجعو الأقلام الجديدة وبراي ما بعرف طبعا إذا رأيي صح
المشرف مو بس آعد متل الشرطي على حذف ونقل
المشرف لازم يحي القسم تبعو ويثني على المواضيع المكتوبة فيه ويشجع الجدد ويساعدن وينتقدن حتى
بعرف أكيد إنو مو كل الناس بتقدر تتابع بشكل دوري هالشي والله يعطيكن العافي ما عم تقصرو
بس يمكن إذا أنا حكيت وجهة نظري يستفيد منا شي حدن ما وليس اكثر
سامحونا

بنت يبرود · 06-07-2009, 01:53 AM

يعني إذا عم تحكي عن المنتدى بشكل عام فيها وما فيها

بس تحط حالك بالنص وكأنه الأعضاء مو عاجبن ردودك فاسمحلي

أخي حضرتك فعلاً بشهادة أكتر من شخص قدرت تاخد الصدارة بالتميز بالمنتدى إضافة لعدة أعضاء مميزين

إلك قلم خاص بفكر خاص وطريقة خاصة رائعة ما شهدناها قبل بالمنتدى

طريقتك بالردود كتير سلسة وممتعة ... وأنا من الأشخاص اللي جداً بستمتع قراءة خواطرك وردودك وآراءك

مممممم ! ؟